Latest Update 2006: Ngam Leh Khuahun Ngam sung ah Taak kung,Hiang kung,Phuitong,Ngeisok leh adang sing kung a tuam tuam te po ah sakhi leh sa dang tuam tuam te nuam tak in om uh hi. Nov pan Feb dong a vot pan hun hi a, March pan Jun tha dong a lum pan hun hi.July pan Oct kha dong pan nguaih zu in mei kai dimdiam uh hi. Inn leh mimal bang zah tang??? Inn 100 val hong ki om in mi 800 val ki teng na khua nuam khat a hihi.Bualpi,khualai,Ngalu,Samual,Khuatung Ci in veng (5) in ki khen uh hi. Biakna leh Pawlpi Khua bu in Pasian thuum mi vive hi aa,Tuiphum,AG,EBC ci in biak na leh biakinn thum om hi.Rev.2 leh Pastor 7 te in ma khaih uh hi. Pil na lam Muluun san om aa,tan 7 ciang lai ki sing thei hi.UNDP telpiak(pi 80 *24) sang inn khat leh,kumpi piak (pi 120*24) sang inn khat,hi te nih ki nei hi.Tu lai tak sang naupang lei hong sin sak hi. Ciin na leh khawi na Lo acres 1,000 val bagn om in,apple acres 200 val,lingmaw acres 5,Tampaza acres 7,Seek acres 5,bagn om aa,a dang teng ah vaimim,aalu, be tuam tuam leh meh teh meh ngah te ki cing hi. Sial (60 val),Vok (80 val),Keel (700 val),Ak (300 val) leh Zawhnge,Bilpi,Ui ... ci te pawl khawi uh hi. Vai pai na
leh kizop na Kawlpi-Tedim
lampi pan,Sozang-Dim Zang-Thangnuai motor lampi(tai 6 val) kizop na om
hi.Thangnuai-Thuaklai,Thangnuai-Akluai,Thangnuai-Sozang,Thangnuai-Phumnom ci
bang in kizop na (khe tawh bek pai thei)lampite zong om hi.Kua mi tel e motor
cycle tel zong kuasung dong hawl za za ta hi. Khua in
hand-phone(cordless) nei aa sozang tawh kizom uh hi.Sozang pan in mun tuam tuam
te zong ki ho pih thei hi.Sozang phone no. pen- Pa Cin Khan Khual 070-50239 Pa Kam Sian Khai 070-50197 TV leh Satellite te tawh leitung thu piang te ahun lak in mu thei ,ki za thei ta hi Dam tui leh Khuaphelep Khua in sak lam pan(1") tui zawl leh ni suak na lam pan (2") tui zawl te tawh dam ding tui siangtho leh zat ding tui siang tho te i ngah ziah ziah hi. Hi bek hilo in Ngualo lui pan in tui tha tawh Kilowatt 5 khua phelep mei in khua sung pen sun ni bang in hong tang sak tawn tung hi. An huan na leh mei awi na ding pen sing mah zang lai hi. |